Seba wedarîyayîşê tecrîd û caardişê azadîya Rayberê Şarê Kurdî Abdullah Ocalanî ewro Amed de mîtîng est o. 

40 kesê ke vizêr seba beşdarîya mîtîngî Çanakkale û Balikesîrî ra kewtî rayîr Bursa de hetê polîsan ra  ameyî astengkerdene. Endamê Meclîsê DEM Partî Fîkret Çolakogullariyî tîya de dîyar kerd ke otobusa înan 7 reyî ameya astengkerdene. Girseyî vera astengkerdişî sloganê "Her der Amed e, her der berxwedan e" berz kerd.

Colemêrg de xeylê kesî ver bi Amedî kewtî rayîr. Bi seyan polîsî verê bînaya Amedî de kom bîyî û trafîk qefilna. Girseyî vera  ney eşkerayîye daye û çalakîya roniştişî kerd.

Anqara de girse Parka Kurtuluşî de kom bi. Girse wexto ke ame astengkerdene, eşkerayîye daye çapemenîye. Girseyî bi slogananê sey “Ji tecrîd re na, aştî niha” û “Bijî berxwedana zindanan” çalakîya roniştişî kerde.