Êlih, Riha û Agirî de bi hezaran kesan dormeyê adirî de mesajê ''No adir do tim gir bibo. No şar do tim est bo'' da.

Êlih

Êlih de verê buroyê weçînayîşî yê DEM Partî de bi hezaran kesan slogananê Bijî serok Apo”, “Bê serok jiyan nabe”, “Jin jiyan azadî” reyde ver bi meydanî rayraşîyayîş kerd.Hemsereka DEM Partî ya Êlihî Songule Korkmaz tîya de qisey kerd û pare kerd ke ê do 31ê adare de cewabêkê pîlî bidê qeyûman. Wekîlê DEM Partî Ruştu Tîryakîyî û Gulîstane Sonuk zî îfade kerd ke wa pêro kesî bi ruhê Newroze tewrê xebatanê weçînayîşan bibê. Qiseykerdişan ra dima şarî dormeyê adirî de govende girewte û sloganî vatî. 

Agirî

Taxa Bulutî de Rêxistina DEM Partî adirê Newroze vist ta. Namzedê Şaredarîya Agirî yê DEM Partî Hazale Aras û Mehmet Akkuş, Wekîlê DEM Partî Sirr Sakik û Nejla Demîr zî tede xeylêk kesî tewrê şayîye bîyî. Girseyî bi sloganan adirê Newroze vist ta. Sirri Sakikî tîya de qisey kerd û vat: ''No adir do tim gir bibo. No şar do tim est bo.''

Nejla Demîr zî îfade kerd ke Newroze wa biba wesîleya azadîya kurdan. Mehmet Akkuşî vat ke ê do weçînayîşan de çîyo ke AKPyî bi hîleyan girewto apey bigêrê.

Riha

Qezaya Pirsûsî de adirê Newroze yo verên bi beşdarîya namzedanê Şaredarîya Pirsûsî Aytene Kaya û Muslum Baranî ame tavistene. Hemserekê DEM Partî yê qeza Salîh Oguzî şayîye de bale ante tecrîdê vera Rayberê Şarê Kurdî ser û grevê vêşanîye yê tepişteyan selam kerd.

Aytene Kaya û Muslum Baranî dîyar kerd ke Newroze azadîye temsîl kenaa û ê sey Kawayê Asinkerî vera Dehaqanê nê çaxî xo ver danê.

Dima Mayanê Haştîye adirê Newroze bi sloganê “Bijî Serok Apo” vist ta.