Meclîsê Ciwanan ê DEM Partî Agirî de şayîya ciwanan kerde. Namzedê Şaredarîya Agirî yê DEM Partî, Mayê Haştîye û xeylêk ciwanî tewrê şayîye bîyî. Şayîye de pankarta 'Ma bi ciwanan dest pêkerd, do bi ciwanan ser bikewê' ameye akerdene û sloganê sey “Bijî Serok Apo”, “PKK Gel e, Gel li vir e” û “Şehît namirin” ameyî vatene.

Dima namzeda Şaredarîya Agirî ya DEM Partî Hazale Aras qisey kerd. Arase îfade kerd ke ê bi hêzo ke şarî ra gênê xebatanê weçînayîşî rê dewam kenê. Arase vat: ''Ma wazenê ke cinî û ciwanî nê weçînayîşan de bi mesuldarîya xo ya tarîxîye têbigêrê û tewrê pêro xebatan bibê.''

Namzed Mehmet Akkuşî zî ard ziwan ke weçînayîşan de şarê kurdî do ser bikewo û vat: ''Ma do şaristananê xo dizdan ra apey bigêrê. Wext wextê serkewtişê kurdan o.''

Endamê Meclîsê Ciwanan Suleyman Cuşayî bale ante tecrîdê vera Rayberê Şarê Kurdî Abdullah Ocalanî ser.