Endamê Tabûrê Bêmergan ê HPGyî Erdal Şahîn (Hasan Oguz) 1ê teşrîna verêne de çalakîya fedayî ya vera Wezîrîya Karanê Zereyî ya Tirkîya de şehîd bibi.

Keyeyê Şahînî vizêr Mersînî ra ame Anqara û seba testê DNA nimûneya gonîye daye. Dima keyeyî seba ke cenaza bigêro muracat kerd. La polîsan o çax cenaza remnaye û berde Mersînî. 

Polîsan verî ke pabeyê dadî û babîyê Şahînî bibê, cenaza qezaya Yenîşehîrî ya Mersînî de defin kerde. Polîsan goristan girewt binê ablûqa. Polîsan ferdê keyeyî GBT ra derbaz kerdî.  Wak, bira, ap û amika Şahînî zî tede 9 kesan cenaza oxir kerde.

La cenaza hetê polîsan û wesayîtanê zirxînan ra ameye definkerdene.