Ugur Şakarî 20ê sibata 2019î de vera tecrîdkerdişê Rayberê Şarê Kurdî Abdullah Ocalanî bedenê xo dabi adirî ver û 22ê adara 2019î de zî şehîd bibi. Şakar vizêr Goristanê Neufriedhofî yê Neusî yê Almanya de serê gorê xo de ame yadkerdene.

Merasîmo ke hetê Meclîsê Şehîd Ugur Şakarî yê Drefeldî ra ame serûberkerdene, embaz û heskerdoxê Ugur Şakarî tewrê ci bîyî. Merasîmî pê deqayêkê rêzgirewtişî dest pêkerd û dima Hemserekê Meclîsê Krefeldî Huseyîn Perkî qisey kerd.

Perkî pare kerd ke Ugur Şakarî fedakarîyêka pîle kerde û ê fedakarîya ci rê hûrmet kenê. Perkî ard ziwan ke ê do têkoşînê Şakarî rê dewam bikerê.