Gerîlayanê MLKP-FESKî serrgêra Qirkerdişê Pirsûsî yê 20ê Temmuze de armancê AKPyî yê seba nê qirkerdişî ercnayî. 

Gerîlayê MLKPyî Yagiz Gunebakan Qirkerdişê Pirsûsî ra dima verê xo da koyan. Yagizî vat: ''Seba ke ez vera zulmê serê şar, ciwan, cinî û kedkaran biba cewabêk mi destê xo eşte çeke. Wexto ke DAÎŞî hêrişê Kobanê kerd ciwananê sosyalîsytan hem cephe de şer kerd hem zî sînor de vera hêrişan weriştî payan ser. Ciwanî dima zî seba ke Kobanê newe ra awan bikerê şîyî. Qirkerdişê Pirsûsî armanc kerdêne ke ciwanan bêveng bikero. Cinîuan Şorişê Rojawanî vurna Şorişê Cinîyan. Ez venga pêro ciwan, camêrd û şaran dana ke koy û şaristanê Kurdîstan û Tirkîya de şer bikerê pîlêr. Kapîtalîzm ma rê çîyêk wehd nêkeno. Azadîye têna pê têkoşînî yena destvistene.''

Gerîlaya MLKP/KKO Eyleme Dînç vat: ''Pawitişê Kobanê de pê fedakarîyanê Arîne Mîrkan, Sarya Umutan DAÎŞ ame çinkerdene. Qirkerdişê Pirsûsî armanc kerd ke vengê cinîyan ê ciwanan çin bikero û Şorişê Rojawanî asteng bikero. Ciwanê ke seba paştdayîşê Şorişê Rojawanî Pirsûs de kom bibî rûmetê her neteweyî bîyî. Embazanê ma erjê merdimîye pawitêne. Qirkerdişî ra dima domananê Kobanê seba şehîdanê Pirsûsî darî nayî ro, parkê kaykerdişî viraştî. Bi nê hawayî qirkerdiş ser nêkewt. Ez sey cinîyêka komunîste venga şarê kurdî û her kesî dana ke seba sûcanê dewleta tirke yê vera Vakurê Kurdîstanî û Tirkîya hesab bipersê.''