Kurdanê qezaya Yerşovî ya şaristanê Saratovî ya Rûsya xoverdayoxê Rojeyê Mergî yê Pîlî yê 14ê Temmuze yad kerdî. Hemserekanê Otonomîya Neteweyî û Kulturî ya Yerşovî Mîrzaelî Yusubov û Gulîzere Yusubova merasîmê yadkerdişî de qisey kerd.

Yusubovî îfade kerd ke ruhê xoverdayîşê 14ê Temmuze seba şarê kurdî têkoşînê cuye yo û xoverdayîşê Zîndanê Amedî heta ewro bêmabên dewam keno.

Berpirsa Çapemenîye ya Otonomîya Kurdan a Yerşovî Sultane Bakî zî ard ziwan ke Têgêrayîşê Azadîye yê Kurdîstanî têgêrayîşê şehîdan o û bi des hezaran kurdî pê ruhê xoverdayîşê 14ê Temmuze şehîd bîyî.

Gulîzere Yusupova zî pare kerd ke şarê kurdî pê sayê xoverdayîşê 14ê temmuze payan ser o yo û pê sayê şehîdan şarê kurdî dinya de şinasîyeno.