Şehîdê têkoşînê azadîye Sara Tolhildan (Dîlara Urper) û Rûken Zelal (Emel Feremez Hisên), Endamê Tev-DEMî Cemîl Hebîb, Fermandara Meclîsê Leşkerî yê Minbicî Şervîne Sîdar, şerwana YPJyî Roşna Egîd (Zulfiye Bînbîr), gerîlaya YJA-Starî Ardeme Ararat (Sultane Oruç), gerîlayê HPGyî Rêdûr Sîser (Guven Ozcan), Munzur Rojava (Yusuf Haci) û Bengîn Barman (Kahraman Karataş) paytextê Swîsre Bern de bi merasîmêkê girseyî ameyî yadkerdene.

Merasîm serkêşîya KOMAWî de ame kerdene û keyeyê şehîdan zî tede xeylêk kesî tewrê merasîmî bîyî.  

Merasîm de waya Ardem Araratî Şerîfe Oruç ard ziwan ke ê do wayîrê mîrasê şehîdan vejîyê. Birayê Roşna Egîd Zulfu Bînbîrî pare kerd ke ê pê şehîdan sereberz ê. Birayê Sara Tolhildan Mehdî Urperî dîyar kerd ke têkoşînê azadîye kedanê şehîdan ra hende pîl bîyo.

Nameyê Partîya Yewîya Demokrate (PYD) ser o Zozane Dêrik qisey kerd û vat: ''Başûr bîyo merkezê MÎTî. PDK serkêşîya îxanetî keno. Ganî ma vera hêrişan û îxanetî têkoşîn bikerê.''

Endama Têgêrayîşê Ciwananê Kurdan ê Ewropa Sarîna Lorîn zî vat ke vera hêrişanê dewleta tirke têkoşînî ra ber rayîrêk çin o.

Merasîm bi sloganan qedîya.