23yê kanûne de paytextê Fransa Paris de hêrişê vera Merkezê Kulturê Kurdan ê Ahmet Kayayî de Konseya Rayberdişî ya KCKyî Emîne Kara (Evîne Goyî), Têgêrayîşê Kulturî ra Mîr Perwer (Mehmet Şîrîn Aydin) û welatperwer Abdurrahman Kizil ameybî qetilkerdene.

3 kurdî banlîyoyê Villers-le-Belle yê Parisî de bi merasîmêkê pîlî oxirê Kurdîstanî yenê kerdene.

Cenazayê hîrê şehîdan Dezgehê Tipê Edlîyî yê Parisî ra bi konvoyan ameyî girewtene û ver bi Villiers Platzî erşawîyayî. Xeylêk temsîlkarê dezgehanê kurdan û sîyasetmedarê Ewropa serê sibayî ra nata verê xo danê salona merasîmî.

Salona merasîmî de posterê Rayberê Şarê Kurdî Abdullah Ocalanî, çelengê PKK-PAJK, KJK-KCK, TJK-E- KCDK-E, TJK-F CDK-F û TEV-ÇANDî ameyî ronayene.