Şewato ke bin şewe mabênê qezaya Xana Axparî ya Amed û qezaya Şemrexî ya Mêrdînî de vejîya resa waranê roniştişî. Goreyê zanayîşanê verênan şewat xeylêk kesan dinyaya xo bedilnaye û xeylêk kesî birîndar bîyî.

Şaro ke bi tehlukeyê vêşayîşî rî bi rî mend mudaxaleyê selahîyetdaran paweno. Hemşaredara Şemrexî Kudrete Uçuk vat: ''Rewşe zaf xirab a. Ma xebere daye qeymeqam û walîyî, helîkopter weşte la hema zî nêşawîyayo. Bi ekîbanê îtfaîye şewatî rê mudaxale nîno kerdene. Ganî helêke cuwa ver pê helîkopterî mudaxale bêro kerdene.

Seba ke şewat bi gird dewijan keyeyê xo caverdayî, dîya zanayene ke merde û birîndarî est ê.

Mêrdîn de heme îtfaîye û ambûlansî sewqê herême bîyî. Seba ke wesayîtî kêm ê, Amed û bajaranê derûdorî ra wesayîtî şawîyayî. Hema hewayî rê mudaxale nêameyo kerdene. Seba ke mudaxaleyê ekîbanê îtfaîye qîm nêkeno şar bi îmkananê xo keno ke şewatî hewna bikero.

Semedê şewatî serkêşîya Hemşaredarê Bajarê Pîlî yê Amedî Dogan Hatunî de îdareyê krîzî ame ronayene.

DEM Partî derheqê şewatî de merkezê xo yê pêroyî de eşkerayîye daye û veng da heme dezgehanê eleqedaran ke wa semedê hewnakerdişê şewatî bikewê dewre.