Nobeta edaletî ya Ferît û Emîne Şenyaşarî roja 352. de dewam kena. Şenyaşaran dima ke pê telefonî Fadil Şenyaşarî de ke Zîndanê Xarpêtî de qisey kerd keyeyê xo yê Pirsûsî ra ver bi Riha kewtî rayîr.

Keyeyî ewro eşkerayîya xo verê tabelaya dekewtişê Riha de daye.

Ferît Şenyaşarî vat: ''Ma waşt bala biancê ser ke ma her roje nê rayîrî ra şinê yenê. Nê rayîrî de her roje qezayê mergî qewimîyenê. Ma her çi dî, do nê heqê rayîrî rê anêgêrê. Heta ke edalet bêro Riha, ma do nê rayîrî ra şorê.''

Şenyaşarî da zanayene ke birayê ci Fadil Şenyaşarî hucreyê yewkesî de 4 serrî yo tepişîyeno û vat: ''Dewa bi hawayêkê bêhuqûqî bîye di lete. Yew dosya Riha de ya û derheqê qirkerdişê nêweşxaneyî de ya. Na dosya ser o bira nimite esta. 3 kesî ameyî qirkerdene la qet yew kes nêtepişîya. Bêhuqûqîye dewam kena. Dosyaya cezaya birayê mi Mehkemeya Îstînafî ya Dîlokî de ya. Ma do çalakîya xo bikirişê uca. Birayê mi bi birêka sîyasîye sey rehînî tepişîyeno. Heta ke edalet bêro ma do ronişê, nê zulmî qebul nêkerê.''

Emîne Şenyaşar zî ard ziwan ke heta ke lajê ci bêro veradayene ê do nobete rê dewam bikerê. Emîne Şenyaşar vat: ''Lajê mi sey rehînî tepişîyeno. Wa lajê mi vera bidîyo. Çira qirkerî nênê tepiştene? No senî edalet o? Ez do nê rayîrî de bimira.''

Keyeyî eşkerayîye ra dima dest pê çalakîya xo kerd.