Merdiman û pawitoxanê Wekîlê AKPyî Îbrahîm Halil Yildizî Riha de Şenyaşran ra babî û wird lajê ci qetil kerdbî. Emîne Şenyaşara ke  pîya bi lajê xo Ferît Şenyşarî verê Edlîyeya Riha de nobeta edaletî tepişena rîyê qedexeyê tebervejîyayîşî ra roja 40. ya çalakîye de ewro nêameyî verê edlîye.

Dayîke Emîne Şenyaşar û lajê ci Ferît Şenyaşar çalakîya xo keyeyê xo yê Pirsûsî de domnenê. Ferît Şenyaşarî Goristanê Asrî yê Pirsûsî de gorê  babîyê xo Haci Esvet û birayanê xo Adîl û Celal Şenyaşarî zîyaret kerdî. Emîne Şenyaşari rîyê problemanê xo yê weşîye ra tewrê zîyaretî nêbîye.

Ferît Şenyaşarî zîyaretê goristanî de nê vatî: Hîrê merdimê ma hetê merdimanê wekîl Yildizî ra Nêweşxane Dewlete yê Pirsûsî de ameyî qetilkerdene. Hîrê serî ravêrtî qetilkaran ra tepişte çîn o. Ma do bawerîya xo ya edaletî vînî nêkerê û cigêrayîşê edaletî rê dewam bikerê. Merdimê ke wîjdanê înan esto wa wayîrê dewaya ma vejîyê.