Şerwana YPJyî Sîyajîne Bawera ke Awbendê Tişrînî de vera hêrişanê dewleta tirke ya îşxalkere û çeteyanê ci şer kena ajansê ma rê qisey kerd. 

Sîyajîne vat: ‘’Hêzanê YPJyî rewşa şerî ya Awbendê Tişrînî vurnaye. Cepheyanê şerî de embazê ma şehîd û birîndar bîyî. No tewirê embazanê ma zî, hêz dano ma. Cepheyê şerî de nika ruhêko ganfeda est o. Her warê têkoşînî de cinîyî eşkenê şer bikerê û bibê wayîrê mîsyonêkê pîlî. Bi beşdarîya şerê Awbendê Tişrînî mi no dî ke şero raştikên senî yeno kerdene û tewirê vera îşxalkeran ganî senî bibo.’’

Sîyajîne vengdayîşê Rayber Apoyî yê 27ê sibate vist vîrî û vat: ‘’Mesajê Rayber Apoyî mesajêko global o. Vengdayîşê Haştîye û Komelê Demokratîkî serkêşîya Rayber Apoyî de do bireso serkewtişî. Ma do mesajê Rayber Apoyî xo rê bikerê esas û nê esasî ser o xo rêxistin bikerê.’’