Koordînasyonê KJKyî eşkerayîya nuştekîye daye semedê tewrbîyayîşê biheybetî yê Newroze şar pîroz kerd.

Eşkerayîye de nê ameyî parekerdene: ''Şarê ma yo erjîyaye û komelê demokratîk ma Newroza şima ke sembolê azadîye û haştîye yo, pîroz kenê.

Cinîyan bi hêzê xo yê azadîye, ciwanan hêrsê têkoşînî, dayîkanê ma û babîyanê bi coşê serkewtişî, domananê ma zî bi xîyalê ameyoxê azadî Newroze meyndanan de pîroz kerd.Şarê kurdî dostanê înan Newroza 2025î bi renganê wisarî, kincanê neteweyî yê Kurdîstanî pîroz kerd. Newroze de bi slogana 'Komelo Demokratîk û Rayberîya Azade' vengdayîşê Rayber Apoyî ame selamkerdene.

Ma bi îlhamê boya nergisî ke Rayber Apoyî 8ê adare de cinîyan rê şawit,heme warî bi ruhê Jin Jiyan Azadî açarnayî waranê selamkerdişê Rayber Apoyî û bi rindîya wisarî xemilnayî. Rixmê heme astenkerdişan bi mîlyonan verê xo da waranê Newroze. Şarê ma heskerdiş û bawerîya xo ya semedê Rayber Apoyî newe kerd û wayîrê vengdayîşê tarîxîyî vejîya. Şarê ma waran de bi cesaret û coşî mojna ra ke semedê çareserî tek hêz Rayber Apo yo.Şarê ke verê xo da meydananê Newroze reyna mojna ra ke Newroze ruh, azadîye, xoverdayîş û serewedaritiş o.

Vakur, Başûr, Rojhilat, Rojawan, Ewropa û çar hetanê dinya de waranê Newroze slogananê “Bijî Serok Apo", "Newroza Rêber Apo Pîroz Be", "Jin Jiyan Azadî” mojna ra ke  têna xeta Netewa Demokratîke ya Rayber Apoyî rayîrê çareserî ya. Meydanê Newroze de zelal vejîya werte ke heta azadîya fîzîkîye ya Rayber Apoyî nêro caardene şarê kurdî qet gamêke ra bawerî nêkeno.Çareserî têna bi rijnayîşê sîstemê Îmraliyî û azadîya fîzîkîye ya Rayber Apoyî bena. Hêzê têkoşînê ma Rayber Apo yo.

Ma sey cinîyan bi hemrayîya raşte ya Rayber Apoyî desê koletîye rijnayî. Ma do sey cinîyan serkêşîya prosesî bikerê, komelê demokratîkî înşa bikerê û desanê Îmraliyî birijnê azadîya fîzîkîye ya Rayber Apoyî bîyarê ca. Ma sey KJKyî Newroze pîroz kenê û veng danê ke bi ruhê 8ê Adare û Newroze tewrê 4ê Nîsane bibê.''