Hemserekîya Konseya Rayberdişî ya KCKyî bi eşkerayîyêke Qazî Muhammed û Şehîdê Kizildereyî yad kerdî. Eşkerayîye wina ya:

‘’Ma lîderanê Kurdîstanî yê girîng û ercîyayeyan ra Qazî Muhammed û embazanê ci yê têkoşînî serrgêra dardekerdişê înan de bi hûrmet û minetî yad kenê. Qazî Muhammedî û embazanê ci vi fedakarî, çêrî û welatperwerî nameyê xo tarîxî ser de nuşt. Xêrê fedakarîya înan ra hêvî û îradeyê şarê Kurdîstanî gandar mendî. Qazî Muhammed û embazanê ey tewirê xo yê vera hêrişan ra tawîz nêda û sereyê xo nêard war. Meydanê Çarçira hişê şarê  Kurdîstanî de bi wayîrê cayêkê pîlî. Ma do yadkerdişê Qazî Muhammed û embazanê ci rê dewam bikerê û armancanê înan bîyarê ca. Nê esasî ser o ma ancî sozo ke dayo şehîdan dibare kenê.

Ewro heman wextî de serrgêra qetilkerdişê Mahîr Çayan û embazanê ci yê Kizildereyî ya. Ma nînan zî bi hûrmetî yad kenê. Mahîr Çayan û embazanê ci mîyanê têgêrayîşê sosyalîstî yê Tirkîya de erjê pîlî afernayî. Rayber Apoyî nê bingeyê têkoşînê Mahîr, Denîz, Îbrahîman de erjê têkoşînê azadîye pîlêr kerdî. Vengdayîşê Haştîye û Komelê Demokratîkî yê Rayber Apoyî vengdayîşê Komara Demokratîke û Welatê Azadî yo ke Mahîr, Denîz û Îbrahîman oxirê ci de têkoşîn kerdo.’’