Zîndanê Wanî ra tepişte Yusuf Kenan Dînçerî raporo ke derheqê binpaykerdişê heqan amade kerdo Wekîlê HDPyî Omer Faruk Gergerlîogluyî rê şawit. Goreyê raporî tepişteyê ke nêweşîyê înan ê granî esta hucreyanê yewkesan de yenê tepiştene.

Gerîgerlîogluyî raporê tepişteyan pare kerd. Rapor de ame vatene ke tepişteyê nêweşî Talat Şanlı, Şahin Kaya, Akil Nerguz, Yusuf Kenan Dinçer, Tamer Korkmaz û Murat Kaymaz yê ke nêweşîyê înan ê giranî estê şeş mengî yo hucreyanê yewkesan de yenê tepiştene. Goreyê raporî îdareyê  zîndanî bi hewayêkê keyfî kitab û kovaran tepişteyan nêdano û heqê tepişteyan ê qiseykerdişî zî wedarto. Reyna seyrkerdişê kanalanê alternatîfan zî bi bahaneyê erza esto yeno astenkerdene. Rapor de bale ameye antene serê rewşa tepitşeyê neweşî Alî Oslman Kose (65) yo ke Zîndanê Tîpê Fyî yê Tekîrdagî de yo ser semedê tedawikerdişê ci ame vengdayene.