Qezaya Bongilanî ya Çewlîgî de ciwanê bi nameyê Mahfuz Taşî raştê îşkenceyê polîsan amebi. Wekîlê HDPyî yê Çewlîgî Erdal Aydemîrî no îşkence berd rojdemê Meclîsî. 

Aydemîrî  vernîyazêkê persan pêşkêş kerd û waşt Wezîrê Karanê Zereyî Suleyman Soylu cewab bido ci.

Aydemîrî vernîyaz de nê çîyî pers kerdî:

-Derheqê nê serebûtî de tehqîqatêko hîra ameyo kerdene?

-Kamî na rehetîye û selahîyetî dayê hêzanê çekdaran?

-Ciwanî yan zî hemwelatîyî seba ke fotografan bigêrê ganî hêzanê çekdaran ê dewlete ra destûr bigêrê?

-Kamyew qanûnî de sembolê 'haştîye' (V) ameyo qedexekerdene?

-Nê polîsê ke ciwanî rê îşkence kerdo, wezîfe ra do bêrê girewtene û derheqê înan de prosesê huqûqî do bidîyo destpêkerdene?