Polîsanê tirkan çarçewa cipersayîşê Serdozgerîya Komare ya Şinexî de qezayanê Hezex û Cizîre yê Şirnexî û Sêrt de eşt xeylêk keyeyan ser û tewr ta14 kesî destbend kerdî.

Sebebê destbendkerdişan nêame musayene û dosya de qerarê astengkerdişê avûkatan yê seba 24 ame girewtene.

Kesê ke ameyî tepiştenê nameyê înan wina yê: Hezex de Medya Hezar, Cizîre de Endama Meclîsê Mayanê Haştîye Nebahate Îşçî û Endamê MEBYA-DERî Huseyîn Înedî, Îdarekarê Komeleya Ziwan û Kulturî yê Birca Belekî Azîz Sonmez û Mele Saît Ozdemîr, Şukru Acar, Mehmet Emîn Çikmaz, Malûzm Duru, Kamîl Baklik, Mustafa Çomlek, Îdrîs Kayaalp, Selman Abay, Agît Işikli û Sêrt Endama Meclîsê Cinîyan ê HDPyî Berfîne Can.