Komêka aktîvîst û enternasyonalîstanê ke  Daristana Hambachî de kom bîyî, û xozapawitoxê almanî zî bi serran o ke seba pawitişê na daristane xo ver danê. Aktîvîstan serrgêra Şorişê Rojawanî yê  19ê Temmuze fîraz kerde. Aktîvîstan xo resna xoverdayoxanê Daristane û qala Şorişê Rojawanî kerde. 

Aktîvîstan pare kerd ke Şorişê Rojawanî têna vurîyayîşêko komelkî nêkerd heman wextî de têgêrayîşêko xoza yo. Aktîvîstan da zanayene ke oyo ke Rojawan de modelê komelê demokratîk-ekolojîkî ard ca Rayberê Şarê Kurdî Abdullah Ocalanî yo.

Çalakîye de dadîya aktîvîstêkê almano ke xoverdayîşê êlula 2018î de şehîd bi û dadîya şorişgêrêkê Rojawanî qisey kerd. Aktîvîte de mesajê enternasyonalîstan ame wendene û konserêko kurdkî ame dayene.

Çalakîye de alayê YPG, YPJ û PKKyî ameyî akerdene û pankarta bi nuşteyê 'Xoverdayîş cu ya' ameye akerdene. Balkêş o ke wexto ke fotografê şehîdan ê enternasyonalîstan ê Rojawanî ameyî akerdene helîkopterêkê polîsan serê aktîvîte de fetelîya.