Paytextê Îngilîstanî London de kurdî, enternasyonalîstî, femînîstî ameyî pêser û înan serrgêra 8. ya Şorişê Rojawanî fîraz kerde. Deqayêkê rêzgirewtişî ra dima seba yadkerdişê şehîdanê şorişî şayîye dest pêkerde.

Organîzasyonanê sey Kurdish Solidarity Campaign, Kongra-Star, Rojava Solidarity, Latin Assembly, Îran Kollectifi, rêxistinanê femînîstan û  Kurdistan Solidarity warê Trafalgarî de Şorişê Rojawanî fîraz kerd.

Şayîye de alayê  YPG, YPJ  û fotografê rayberê Şarê Kurdî Abdullah Ocalanî ameyî berzkerdene û sloganê sey ''Cinîye, Cuye, Azadîye'', ''Biciwîyo Serek Apo'' ameyî vatene.

Women Defend Rojava ra Katie vat: ''Şorişê Rojawanî pêro dinya de sey mîsal o. Ganî hêriş û tedayê vera kurdan biqedê.''

Nameyê Asambleas Chilena & Latinas Unidas ser o zî Paula vat: ''Rojawan o cayo ke azadîya cinîyan tede ameye kerdene.''

KSN-Jin and Women Defend Rojava ra Esthere Grace vat: ''AKP û dewleta tirke ya faşîste reyna kurdan qir kena. 3 cinîyê kurdî yê sîyasetmedarî Amed de pê îşkenceyî ameyî destbendkerdene.''

Temsîlkaranê PYDyî yê Londonî ra Alan Şemoyî zî Şorişê Rojawanî rê selam kerd û vat: ''Şarê kurdî gamê pîlî eştî. Tarîtîya DAÎŞî pê şorişî roşnîye bîye.''

Girseyî qiseykerdişan ra dima govend girewt.