Bajarê Aarau yê Swîsre de hêrişê îşxalî yê dewleta tirke yê vera Başûrê Kurdîstanî û yê ke pê destê PDKyî yenê kerdene û hêrişê hukmatê Kazimî yê vera Şingalî ameyî protestokerdene.

Rêxistinanê ciwananê şorişgêran û endamê Partîya Sosyalîste yê Swîre zî tewrê çalkîye bîyî. Çalakîye şexsê şehîdanê Menga Gulane, Zap, Avaşîn û Şingalî de semedê heme şehîdanê azadîye rêz ame girewtene û dima ra Hemsereka Merkezê Komelê Kurdan yê Aarau Seda Can qisey kerd.

Cane bale ante serê hêrişanê îşxalî yê vera Herêmanê Pawitişî yê Medya û Şingalî ser û vat: ''Wazenê ke kurdan qir bikerê û Kurdîstanî îşxalî bikerê. Wayîrvejîyayîşê xoverdayîşê gerîlayan wayîrvejîyayîşê ameyoxê kurdan û Kurdîstanî yo.''

Ciwananê Partîya Sosyalîste ra aktîvîst Davidî zî vist vîrî ke dewleta tirke vera gerîlayan çeka kîmyewîye şuxulnena û vat ê vera nê sûcanê merdimîye û şerî kişta şarê kurdî de yê.