Bi wesîleya serrgêra Komployê 15ê Sibate yo ke vera Raybarê Şarê Kurdî Abdullah Ocalanî ame kerdene Xeylêk bajaranê Belçîka Almanya û Fransa de rayraşîyayîşê di rojan yenê kerdene.

Kurdîstanî û dostê înanê ke bajaranê Rennes, Vannes Lorientî yê Fransa ra ameyî têhet Hennebontî ra heta Lorientî rayraşîyayîşêk kerd. Çalakîye de seba ke PKK lîsteya terorî bêro vetene îmzayî ameyî arêdayene û hêrişê îşxalî yê vera Kurdîstanî ameyî şermezarkerdene.

Belçîka de zî kurdan semedê azadîya Abdullah Ocalanî bajarê Leuvenî ra ver bi Brukselî rayraşîyayîşê di rojan da destpêkerdene. Rayraşîyayîş siba do saete 9.00 de do verê şaredarîya Kortenbergî ya Flaman Brabantî de dest pê bikero û 15.00 de verê Parlamentoyê Ewropa de biqedîyo.

Bajarê Kielî yê Almanya de zî bi eynî waştişî rayraşîyîşî dest pêkerd. Hamburg, Oldenburg û Bremen ra xeylêk kesî tewrê rayraşîyayîşî bîyî. Rayraşîyayîş do siba semtê Wîkî yê Kielî ra dest pê bikero û Merkezê Îstasyonê Trenan de biqedîyo.

Rayraşîyayîşêko bîn ê Almanya zî Hannover de yeno kerdene. Roja verêne ya rayraşîyayîşî de bi seyan kesî tewrê çalakîye bîyî. Polîsan seba ke sloganê "Bijî Serok Apo" eşte di ciwanî destbend kerdî. Siba rayraşîyayîş do Laatzen/Zentrumda saete 10.00 de dest pê bikero.