Qezaya Dîyadînî ya Agirî de vizêr  6 kesî ameybî destbendkerdene. Nînan ra 5 kesî bi îdîaya 'endamîya rêxistine' tepişîyabî û kesêk zî bi şertê kontrolê edlîyî vera dîyabî.

Ewro çarçewa heman tehqîqatî de leşkeranê tirkan eşt xeylêk keyeyan ser û 6 kesê bi nameyê Kemal Bakir, Ahmet Ozden, Nîyazî Ergul, Mehmet Alî Ozdemîr, Dînçer Varol û Ebubekîr Aladag ameyî destbendkerdene. 6 kesî ameyî berdene bi Qereqolê Cendirmeyan ê Dîyadînî. Dîya zanayene ke 6 kesî pê beşdarîya çalakîyan yenê sûcdarkerdene.

Wan de 13ê sibate de Endama Meclîsê Ciwanan ê HDPyî Arjîne Tuncer, Ferhat Azan, Rojîne Varhan û Mehmet Şerîf Demîragaço astengdar zî tede 14 kesî ameybî destbendkerdene. 14 kesî sewqê edlîye ameyî kerdene.

Qers û qezayanê ci de Îdarekarê HDPyî Turan Altun, îdarekarê HDPyî Zîyadîn Can, Endamo verên ê HDPyî Yaşar Budak û 2 kesê bînî ameybî destbendkerdene. Venga Ozleme Ozartaç û Halîde Hasanoglu dîya ke îfade bidê. Ozartaçe û Halîde Hasanoglu îfade ra dima vera dîyayî, kesê bînî zî hema zî îfade danê.

Erzirom de zî 8 kesê ke perey ameybî destbendkerdene nînan ra Bedrettîn Kamiş, Medenî Bîlîz, Şakîr Bîlîz, Raşît Karabakan, Melîk Altay vera dîyayî.