Wekîla Partîya Çep a Keske ya Agirî Nejla Demîr hesabanê xo yê medyaya dîjîtale de eşkera kerd ke karmendanê gumrukî rê teda yena kerdene ke seba weçînayîşanê herêmîyan qezaya Bazîdî ra barê Agirî bikerê. 

Nejla Demîr wina vat: ''Na rewşe mojnena ke AK xîret keno ke mudaxeleyê weçînayîşan bikero. Karmendan ser o teda yena kerdene ke îkametgehê xo bivurnê. No prosesê weçînayîşan de bêbawerîyêke virazeno. Heqê pêro hemwelatîyan est o ke kamca de biwazê uca de raya xo bidê. Ganî selahîyetdarî îdîayê serê na mesele tehqîq bikerê û derheqê babete de agahîyan bidê. Ma do qetî vera mudaxeleyanê AKPyî yê serê weçînayîşan qebul nêkerê. Ma do tim ferasetê qeyûmî teşhîr bikerê.''