Hetkarê Hemserekanê HDPyî yê Huqûqî û Heqanê Merdiman ra Berpirsîyar Umît Dedeyî hêrişê îşxalan ercna. Umît Dedeyî îfade kerd ke îqtîdar nê prosesê vîrusê Korona de hem zîndanan de hem zî teber de huqûqê dişmenîye ca ard.

Umît Dedeyî vist vîrî ke hûmara tepişteyan û personelanê zîndanî yê ke pê vîrusî kewtî roje bi roje zêdîyena û vat: ''Hukmatî pê vurnayîşê qanûnê înfazî sere de tepişteyê sîyasîyî, tepişteyê ke mîyanê rîskî de yê, terkê mergî kerdî. Hukmatî prosesê janî sey metodêkê cezakerdişî xebitna. 

AKPyî bi nê hawayî temamîya komelî reş keno. AKPyî pê kerdişanê xo yê barbaran vera cenaza û goristanan xîret keno ke komel bitersno û teslîm bigêro. Labelê ganî bêro zanayene ke şarê kurdî kurdî do qet  pê polîtîkaya tersî teslîmê AKPyî nêbo. Şar do qet wayîrvejîyayîşê erjanê xo ra fek vera nêdo.''