Zîndanê Aksarayî de tepişte Mehmet Sîraç Aslan (22) rixmo ke cezaya ci teşrîna verêne ya 2020î de qedîyaye nêna veradayene. Aslanî pê telefonî keyeyê xo rê vat ke zîndan de ci rê îşkence yeno kerdene û birayê ci Serkan Aslanî zî vat ke Mehmet Sîraç hucreyê yewkesî de tepişîyeno.

Mehmet Sîraç Aslanî nê agahîyî dayî: ''Tim bêsûc cezaya hucreyî dîyena mi. Hewteyê vîyarteyî de înan nêverda ez heqê pêvînayîşê telefonî bixebitna û şora revîr. Mi zî vera ney destê xo jîlet kerd. Dima revîr de karmendî verê doktorî de ez derb kerda. Pirnikê mi şikîya û çimê mi bi mor. Bedenê mi de hema zî rêçê derbe estê. Psîkolojîya mi xeripîyaye. Seba raporê derbe ê mi nêbenê nêweşxane. No reya verêne nêame kerdene.''

Serkan Aslanî da zanayene ke înfazê kekê ci vera yeno xerpinayene.