Her serre serrgêra Komployê 15ê Sibate de semedê nasdayîşê paradîgmaya Ocalanî aktîvîteyê 'Kitabxaneyê Rayberîye' yenê kerdene.

Çarçewa Hemleya 'Tecrîd, faşîzm, îşxalî rê bes o; Wext wextê azadîye yo' de vizêr Draguignanê Fransa û bajarê Den Haagî yê Hollanda de aktîvîteyê 'Kitabxaneyê Rayberîye' ameyî kerdene.

'Kitabxaneyê Rayberîye'  ke vizêr serê sibayî Marsilya ra destê gêrayîşê kerd resa bajanê Draguignanî. Pê seyan wesayîtan konveyêk şi  vera 'Kitabxaneyê Rayberîye'. Aktîvîte de derheqê komplo û tecîrîdê vera Ocalanî de zanayîş ame dayene.

Turê kitabxaneyî do ver bi Marignane, Avignon û Montpellierî dewam bikero.

Den Haag de zî 'Kitabxaneyê Rayberîye' vizêr verê Dîwanê Edaletî yê Laheyî de bi. Çarçewa aktîvîte de stand ame kerdene û derheqê Abdullah Ocalanî de zanayîş dîya. Hetê bînî ra vera tecîrî mektubê ke do  Neteweyanê Yewbîyayeyan rê do bêrê şawitene ameyî îmzakerdene.

Kitabxane ewro do Museumpleinê Amsterdamî de turê xo rê  dewam bikero.