Bi wesîleya serrgêra ci bajaranê Berlin, Hamburg û Duisburgî yê Almanya de Qirkerdişê Armenîyan ame şermezarkerdene û êyê ke ameyî qetilkerdene ameyî vîrardene.

Paytext Berlin de serrgêra qirkerdişî de çalakîya protestoyî ameye organîzekrdene. Bi vengdayîşê grûbanê armenîyan şar verê Banê Merkezî yê CDU de ame têhet.

Çalakîya ke sazgehê kurdan zî tewrê ci bîyî de Dr. Nick Braunsî Qirkerdişê Armenîyan sey şermî name kerd û vat hukmatê Almanya zî eşkera paştgêrê nê qirkerdişî yo. Braunsî hêrişê vera Metîna, Zap û Avaşînî rê zî nêrazbîyayîş mojna û vat ewro qirkerdiş vera kurdan yeno kerdene û sere de Almanya Ewropa vera nayî bêveng a. Temsîlkara/ê HDPyî zî vat ma qet yew qirkerdiş û qetilkerdiş qebul nêkerd û ma do nêkerê.

Hamburg de zî aktîvîteya ke Înîsîyatîfê Vera Qirkerdişî  organîze kerde de verê Parlamentoyê Hamburgî de ameye kerdene. Aktîvîte de vervatoxê înîsîyatîfî Avûkat Mahmut Erdemî qisey kerd. Erdemî vist vîrî ke rolê subayanê artêşa almanî zî nê qirkerdişî de esto û vat coka  vîrdaro ke semedê leşkeranê ke şerê dinya yê  verênî  merdî ame viraştene  wa tabeleya ci de nameyê înanê ke ameyî qetilkderne zî bêro nuştene. Erdemî vat ê do semedê nayî kampanyaya îmzayan bidê destpêkerdene.

Duisburg de zî bi çalkîyêke Qirkerdişê Armenîyan ame û hêrişê artêşa tirke yê vera Herêmanê Pawitişî yê Medya ameyî şermezarkerdene û Fermandarê Konseya Fermandarîye ya HPGyî Sînan Dêrsim ame vîrardene.