Wezaretê Karanê Teberî yê Almanya derheqê 'Planê Çalakîyanê Heqanê Merdiman' de ke Serekkomarê Tirkîya Erdoganî eşkera kerdbi, eşkerayîye daye. Wezaretî îfade kerd ke ganî Tirkîya 'cadê û bêkêmî' biranê MHME bîyara ca. Wezaretî bale ante ser ke ganî cade Osman Kavala û Selahattîn Demîrtaş bêrê veradayene.

Wekîlê Meclîsê Federalî yê Partîya Keskan Cem Ozdemîrî zî ard ziwan ke plano ke Erdoganî eşkera kerdo xapînayîş o. Ozdemîrî zî waşt ke wa biran bêrê caardene.

Wekîla Partîya Çepe Ozleme Alev Demîrle zî da zanayene ke armancê nê planê Erdoganî 'xîretê xapînayîşê şarî yo.' Demîrelî beşê tirkî yê DWyî rê qisey kerd û vat: ''Wexto ke planê heqanê merdiman amebi pêşkêşkerdene îtîfaqê AKP-MHPyî vano ke ê do HDP qedexe bikerê û wekilîya wekilanê HDPyî wedarê. Coka no çi xapînayîş o.''