Kovara almanan Der Spiegelî xebera xo ya vizêrîne d pare kerd ke endamê DAÎŞî Yunus Emre Sakarya, Muhammed Zammar û Oguz G. yê ke destê QSDyî yê hetê îstîxbaratê Amerîka FBI ra ameyî persayene.

Cergan derheqê hêrişanê terorî de zanayîşê girîngî dayî û FBIyî zî Almanya reyde têkilîye ronaye ke hemwelatîyanê xo wa bigêra. Îdareyê Amerîka Îdareyê Xoserî reyde seba cergî Almanya de bêrê hukmkerdene peymanêke îmza kerde.

Goreyê xebera Der Spiegelî Almanya hêverî no qebul kerd la dima bira xo ra fek vera da. Heman xebere de yeno vatene ke destê QSDyî yê 74 endamê DAÎŞî yê hemwelatîyê Almanya estê.

Yunus Emre Sakaryayî Tirkîya de polîsanê tîmê taybetî reyde çek, hacet û cergî erşawitî DAÎŞî. Sakarya tewrê hêrişê vera Sersefîrîya Amerîka ya Bangazi bibi. Muhammed Haydar Zammar  zî koma hêrişê terorî yê 11ê Êlule ra bi. Oguz G.dima ke tepişîya zanayîşê girîngî dayî QSD û bi nê hawayî hêrişêkê vera Almanya amebi girewtene.

Xebera nê cergan verî ANF de zî ca girewtbi.