Menga nîsane de hukmatê Almanya seba ke derheqê Korona de şar agahdar bikero bi 20 ziwanan broşurêk amade kerd. Almanya de ke tede mîlyonêkî ra zêdêr kurdî ciwîyenê broşurê ci de ca nêame dayene kurdkî.

Mesele pê persê ''Çira kurdkî broşur de ca nêgêna'' ameye rexnekerdene. Wezîfedara Pêkerdişî Annette Widmann-Mauz cewab da rexne û vat: ''Kurdî xora erebkî, tirkî, farskî zanenê. Coka ma hewce nêdî ke bi kurdkî zî broşur çap bikerê.''

Komelê Kurdan ê Almanya (KGD) derheqê mesele de muracatê pispora qanûnan Prof. Dr. Christiane F. Majer kerd. Majere îfade kerd ke tewirê Almanya cîyakerî yo û Almanya qanûnê têdûştî binpay kerd.

Majere ard ziwan ke eşkerayîya ''Kurdî cara ziwananê bînan zanenê'' cêrî ra ewnîyayîşê kurdkî ya û vat: ''Herêmanê kurdan de ziwanê bînî zî zanîyeno. No nêno a mana ke kurdî kurdkî nêzanenê. Kurdî nê ziwanan pêroyînan fam nêkenê, têna kudkî qisey kenê.''