Almanya de zextê vera multecîyan ê kurdan dewam keno. Sekvat Tangunero ke seba ke Tirkîya de derheqê ci de cezaya hepsî est a, 2019 de Almanya de îltîca kerd, ame tepiştene û yeno waştene ke Tirkîya rê bêro teslîmkerdene.

Tanguner perey şewe hetê polîsanê Bavyera ra ame destbendkerdene. Tanguner 2019 de ame Almanya û seba ke îltîcaya ci qebul nêbîye mecbur mend şi Swîsre. Swîsre de îltîcaya ci nêameye qebulkerdene û 2023 de Almanya rê ame îadekerdene.

Keyeyê Tangunerî da zanayene ke Tanguner do  Tirkîya rê bêro îadekerdene û semedê hetkarîye veng da. Keyeyî vat: ''Sekvan Tirkîya de hîrê serrî û nême heps de mend û bi şertê îmza ame verdayene. Rîyê cezaya hepsî û cipersayîşê ke dewam kenê 2019 de ame Almanya la îltîcaya ci red bîye û ame destbendkerdene. Mehkeme vat o do 2ê gulane de Tirkîya rê bêro teslîmkerdene la beno ke ê dahîna rew bişawê. Tirkîya de derheqê Sevkanî de qerarê tepiştişî est o.''