Goreyê îdîayan endamê MÎTî û berpirsê cerganê DAÎŞ û El Nusrayî Heysem Topalcayo ke  serûberkerdişê hêrişê Reyhanliyî ameyêne sûcdarkerdene Konya de bi hawayêkê şikdarî merdo.

Goreyê xebera rojnameger Cevherî Guven Topalca rayîrê Karapinar-Konya de herêma Merdîvenlî ya taxa Akçayazi de 10ê sibate de merdo. Dîya zanayene ke wesayîto ke Topalca tede bîyo û TIRêk ginayê pê û nê qezayî de Topalca, Macît El Haci (33) û Bîlal El Muhammed (21) merdî. Heman qezayî de Done Abdullah (55), Nureddin El Hac Alî (19), Abdullah El Hac, Îbrahîm El Muhammed (30) û Halît Bargût (15) jî birîndar bîyê.

Heysem Topalca tewrê xeylêk sûcan bibi. Têkilîya ci yê bi dewleta tirke zî eşkera yê. Xeylêk şahîd û dokumentan eşkera kerd ke o endamê MÎTî yo.

Topalca qirkerdişê Reyhanli yê 2013î, hêrişê DAÎŞî yê Ulukişla ra ganî bêro hukmkerdene la versûco fîrarî yo. Goreyê dokumentan mabênê 2011-2014 de o tewr tay 873 reyî dekewt Tirkîya û vejîya. 2013 de zî dewaya TIRî ra Adana de îfade ra dima vera dîyabi.