Erdlerzê ke Mereş de têdima virazîyayê û şîdetê înan 7,7 û 7,6 bî, Amed de tesîrdar bî û 7 bînayî rijîyayî. Binê nê bînayan de bi desan kesê merdî, înan ra tayî  Goristanê Yenîkoyî yê Rezanî  de ameyî definkerdene.

Mehlaya Mevlata Halîtî yê semtê Cezaevî de bînayêke rijîyaybî û xirba a bîna ra 3 kesî ameybî vetene. Meyîtê Osman Başal, Alî Cengîz û Mûrat Cengîzî hewanîyayî morgê Nêweşxaneyê Cigêrayîşî yê Gazî Yaşargîlî. Meyîtê nê hîrê kesan  hetê keyeyanê înan ra Goristanê Yenîkoyî yê  Rezanî de ameyî definkerdene. Nê 3 kesan reyde pîya goristanê Yenîkoyî de 22 kesî ameyî definkerdene.

Tay kesî zî bi waştişê keyeyanê înan qezayan û dewanê bînan de ameyî definkerdene.