Rêxistina HDPyî ya Amedî  û rêxisitanê komelê sîvîlî seba ke bale bianca tecrîdê vera Rayberê Şarê Kurdî Abdullah Ocalanî û grevê vêşanîye yê tepişteyan ke 139 rojî yo dewam keno, ser verê Vîrdarîya Heqanê Merdiman a Parka Koşuyolu de eşkerayîye çapemenîye daye.

Xeylêk îdarekar û endamê  TJA, DBP, HDP, TUAY-DERî tewrê çalakîye bîyî. Polîsan parke girewte binê ablûqa  û dekewtiş vejîyayîşê parke qefilnayî. Verê çalakîyê nasnameyê ameyî kontrolkerdene û kesê ke tewrê çalakîye bîyî sey DI grûban gerîyayî binê ablûqa.

Hemserekê HDPyî yê Amedî Zeyat Ceylanî semedê eşkerayîye polîsan de wexto derg pêvînayîş kerd  la rixmê naye seba ke babete tecrîdo destûr nêdîya. Nayî ser o şarî bi çalakîya roniştişî nêrazîyîş mojna. Grûbe bi tîlîlî û çepikan slogana Biciwîyo xoverdayîşê zîndanan paştî daye tepişteyan.