Rojnamegero şorişgêr Seyîd Evrano ke 22yê êlule de krîzê qelbî ra şehîd bibi, semedê ci Hênêya Amedî de tezîye ameye ronayene. Endamê MEBYA-DER, TUAYDER, MED DERî, Hemserekê Pêroyî yê DBPyî Keskin Bayindir, wekîlê Partîya Çep a Keske zî tede xeylêk kesan tezîye zîyaret kerd.

Tezîyeya ke slogana “Şehit namirin” ameyî vatene de şexsê Seyîd Evranî de semedê şehîdanê azadîye rêz ame girewtene. Keskin Bayindirî ke tîya qiseykerdoşê kilm kerd û vat: "Cenazayê nê şarî zereyê qutîyan de dîyenî merdimanê înan. Cenazayanê ma rê îşkence yeno kerdene. Ewro hênê de berê heme şînxaneyan ameyî kilîtkerdene. No caardişo teberê merdimîye yo. Nê kerdişî bêehleqîye û îşkence yo. Ma şexsê Seyîd Evranî de heme şehîdanê xo bi rêzdarî yad kenê. Ma îşkenceyê vera cenazayan qebul nêkenê. Na dewlete ne dîn, ziwan ne zî nîjadî nas kena. Vanê ‘ma misliman ê’ la ma derheqê mislimanîye de çîyêk nêvînenî. Heta azadîya şarê ma do têkoşînê ma dewam bikero.”