Amed de çarçeweya operasyonê qirkerdişê sîyasîyî de polîsanê tirkan saetanê serê sibayî de eşt xeylêk keyeyanê rojnamegran ser.

Sereştişan de Hemserekê Komeleya Rojnamegeran a Dîcle Firatî (DFG) Serdar Altan, Mudira JINNEWSî Safîye Alagaş, Edîtora JINNEWSî Gulşene Koçuk, Edîtorê Ajansê Mezopotamya (MA)Aziz Oruç û rojnamegerî  Omer Çelîk, Suat Doguhan, Ramazan Geciken, Bêrîvane Karatorak, Esmere Tunç,Neşe Toprak, Zeynel Abidin Bulut, Mazlum Dogan Guler, Mehmet Şahîn, Elîfe Sungur, Îbrahîm Koyuncu û Remzîye Temel ameyî destbendkerdene.  

Polîsan heman wextî de eşt buroyê JINNEWSî yê Yenîşehîrî yê Amedî ser û dest na komputer, dîskanê komputerî, kovar û kitaban ser.

Wina pawîyeno ke hûmara destbendkerdeyan bizêdîya.