Amed de serkêşîya TJA, DEM Partî û DBPyî de rayraşîyayîşê ''Haştîye û Azadîye'' ame kerdene. Pîya bi temsîlkaranê rêxistinanê kemelê sîvîlî yê bajarî bi hezaran kesî tewrê çalakîye bîyî. Şaro ke Meydanê Şêx Seîdî ame têhet heta Burcê Kênayan  raya şi.

Bi hezaran kesanê ke pankartê ''Ma do rojanê tarîyan biaçarnê roşnayî'' akerd bi çapik, tîlîlîyî û slogananê “Bijî berxwedana zindana”,“Bijî berxwedana gele Kurd” ve “ Ma do bi serkewtişî ser bikewê ” rayra şi.

Badê rayraşîyayîşî Hemserekê DEM Partî yê Bajarî Abbas Şahînî qisey kerd. Şahînî vat: ''Çiwext masa yena ronayene dişmenê şarî seba ke masa birijnê çîyo ke destê ci ra yeno kenê. Reyna îradeyê şarî ame xespkerdene. Hem îradeyê şarî bi kelemçeyan destbend kenê hem zî vanê vengê xo mevejê. Çîyo winayên çîn o.''

Vervatoxa Meclîsê Cinîyan a DEM Partî Halide Turkoglu zî nê vatî:  ''Bi nê komployî ame waştene  Birêz Ocalan bêro tecrîdkerdene û têkoşînê şaran bêro qedînayene. La Birêz Ocalan Îmrali de xover dano. Ma ewro hem komployî hem qeyûman protesto kenê. Şarê kurdî îqtîdarê winayênî zaf dîyî.Î nan ke waşt kurdan çîn bikerê bi xo çîn bîyî. Eke şima semedê çareserîye cîdî yê ganî tecrîd bêro wedaritene û sîyasetê qeyûmî biqedîyo. Hemşaredarê ma Dogan Hatun bi îşkenceyî ame destbendkerdene. Ma nê qebul nêkenê. No huqûqê dişmenîyeyo. Ma do her qeyde wayîrê îradeyê xo bivejê. Ma do semedê wedaritişê tecrîdê serê Birêz Ocalanî, çareserîya demokratîke ya meseleya kurdan do têkoşînê xo bidomnê. Ma do çirey milê xo çewt mekerê. Bedelê çi beno wa bibo ma do ser bikewê.''

Hemserekê DBPyî yê Amedî Mehmet Şirin Gurbuzî bale ante tecrîdê Raybe Apoyî ser û vat ganî cade Birêz Ocalan bibo azad û zemînê muzakereyanê demokratîkan bêro pêardene.