Amed: Polîsan tazîyaya Evranî asteng kerde
Qezaya Hêni ya Amedî de seba rojnameger Seyîd Evranî tazîya ronîyabî la polîsanê tirkan tazîya wedarite.
Rojnameger Seyîd Evran 22yê êlule de Rojawan de krîzê qelbî ra şehîd bibi. Keyeyê Evranî qezaya Hêni ya Amedî de Keyeyê Tazîya yê Merkezî de waşt ke 3 rojan tazîya bikero.
La polîsanê tirkan mefteyê keyeyê tazîya girewt û nêverda ke keye tazîya rono.
Polîsan venga keyeyî da û vat: ''Ma do nêverdê ke şima keyeyê tazîya de tazîya ronê. Şima teyna eşkenê keyeyê xo de tazîya ronê.''
Keyeyê Evranî naye ser o verê banê xo de tazîya naye ro.
