Amed û Adana de 13 kesê ke ameybî  destbendkerdene pê îdîaya ''endamîya rêxistine'' ameyî tepiştene.

Amed

Perey çarçewa tehqîqatê Serdozgerîya Komare ya Amedî de endamê Meclîsê HDPyî Eşref Mamedoglu, endamê Meclîsê DBPyî Ramazan Dengîz, endama Komeleya Cinîyan a Rosa Suzane Îşbîlen, îdarekaro verên ê HDPyî Hasan Kale û Serekê Şubeyê DÎSKî yê Amedî Hasan Hayrî Erogluyî, hemşaredaro verên ê Rezan Eşref Guler ameybî destbendkerdene. Înan ra 6 kesî zî pê îdîaya 'endamîya rêxistine' ameyî tepiştene. Suzane Îşbîlen zî nêweşîya xo ra semed pê şertê kontrolê edlîyî ameye veradayene.

Adana

Çarçewa tehqîqatê Serdozgerîya Komare ya Adana de 6ê hezîrane de sereştişanê keyeyan de 10 kesî ameybî destbendkerdene. 10 kesî zî seba ke serra 2013-2016î de tewrê serebûtanê komelkîyan bîyî ameyî sûcdarkerdene. Înan ra 7 kesî pê îdîaya ''endamîya rêxistine'' ameyî tepiştene. 3 kesê bînî zî pê tedbîrê ''hepsê keyeyî'' ameyî veradayene.