Wezîrîya Pawitişî ya Amerîka (Pentagon) bi eşkerayîyêke da zanayene ke înan çarçewa ''pawitişê meşrûyî'' de dayo droneyê çekdarî yê dewleta tirke ro.

Vervatoxê Pentagonî Patrick Ryderî pare kerd ke hêzanê Amerîka Hesekê de droneyê çekdarî yê dewleta tirke dayo warî ro. Ryderî îfade kerd ke înan droneyo çekdar ê dewleta tirke sey gefî dîyo û çarçewa 'pawitişê meşrûyî' de dayo piro. Ryderî vat: ''Fermandaranê ma na rewşe sey gefî ercnaye. Çunke drone qasê 500 metreyan nêzdîyê hêzanê ma bi.''

Dima ke droneyo çekdar piro dîya Wezîrê Pentagonî Lloyd Austinî û Wezîrê Pawitişî yê Tirkîya pêvînayîş kerd.