Serekê Amerîka Joe Bideno ke 24ê nîsane de sîteyê fermîyî yê Qesra Sipî de eşkerayîye daye, Qirkerdişê Armenîyan sey qirkerdişî name kerd.

Bidenî eşkerayîye de vist vîrî ke her serre ê  armenîyê ke Qirkerdişê Armenîyan yê dewrê Osmanîyî  de ameyî qetilkerdene ana vîrî û vanê ke çîyo winayên reyna mebo. Bidenî vat: ''24ê Nîsane ya 1915î de roşnvîr û rayberê cemaatan ê armenîyan Konstantinopolis de hetê selahîyetdaranê Osmanîyan ra ameyî tepiştene, yew mîlyon û nêm armenî ameyî tebersînorkerdene, qetilkerdene ya zî bi kampanyayêke ver bi mergî rayra şîyî. Ma na eşkerayîye danê ke çîyê ke bîyî wa reyna mebê. Şarê Amerîka armenîyê ke 106 serrî verê cu na  roje de ameyî qetilkerdene bi hurmet yad keno.''