Goreyê anketêko ke Merkezê Cigêrayîşanê Herême yê Sosyo-Polîtîkan Vakurê Kurdîstanî de kerd se ra 57 ra zêdêr şarê kurdî çareserî xoserîya demokratîke de vîneno û PKK û Abdullah Ocalanî zî sey muxatab mojneno.
Merkezê Cigêrayîşanê Herême yê Sosyo-Polîtîkan 1-10ê nîsana 2021î de Amed, Êlih, Mêrdîn, Dîlok, Wan, Şirnex, Sêrt, Mûş, Meletî, Îdir, Colemêrg, Xarpêt, Dêrsim, Bedlîs, Çewlîg, Agirî û Semsûr zî tede 18 şaristanan de anketêk viraşt.
Beşdaranê anketî ra %95,4 kesî xo sey 'kurd' pênase kenê. Anket derheqê 'meseleya kurdan û nêzdîbîyayîşanê çareserî' de doneyan dano. Bi temamî 948 kesî tewrê anketî bîyî.
Pers û doneyê anketî wina yê:
-Semedê meseleya kurdan kamyew pênase goreyê to yo?
%82,3: Meseleya kurdan esta. 82,5: Meseleya kurdan semedê pênasenêkerdişê heqanê ziwan û nasnameyê kurdan qewimîyena. %86,9: Meseleya kurdan semedo ke hemwelatîya têdûşte çin a qewimîyena. %61,4: Meseleya kurdan semedo ke kurdî wazenê xo bi xo îdareyê xo bikerê qewimîyena.
-Kamyew partî seba çareserîya meseleya kurdan xizmet kena û polîtîkayan ber ana?
%87,8ê beşdaran: HDP
-Goreyê to meseleya kurdan senî çareser bena?
%44,5: Pê muzakere û prosesê çareserî. %29,3: Pê pênaseyê qanûnê bingeyî û garantîyanê qanûnan.
-Goreyê to meseleya kurdan pê kamyew statutî çareser bena?
%57,2: Xoserîya Demokratîke, %15: Hemwelatîya têdûşte. %9,9: Azadîye û Sîstemê Eyaletan ê Ewropa.
-Goreyê to tarîxêkê nêzdî de meseleya kurdan çareser bena?
%26,4: Heya, %47,9: Nê.
-Goreyê to key prosesê çareserî newe ra dest pêkeno?
%36,5: Mîyanê di serran de. %13,7: Yew-di serran de. %8,6: Hînî dest pênêkeno. %31,2: Nêzanena.
-Goreyê to verê prosesî de astengîya tewr pîle kam yan zî çi yo?
%45,6: Îtîfaqê cumhurî. %30: AKP û Erdogan. %18,1: Dewlete-Dewleta kontra.
-Goreyê to eke artêşa tirke PKK bin bikera meseleya kurdan çareser bena?
%95,1: Nê
-Goreyê to eke PKK çekan war verdo meseleya kurdan qedîyena?
%80,6: Nê. %3,2: Heya
-Goreyê to muxatabê çareserîya meseleya kurdan kam ê?
%56,5: Partîyê sîyasî yê Meclîsî û Rêxistine (Abdullah Ocalan û PKK). %22,8: Hukmat û Rêxistine (Abdullah Ocalan û PKK).
-Goreyê to kam yan zî kamî eşkenê meseleya kurdan çareser bikerî?
%43,5: Abdullah Ocalan-KCK-Partîyê Sîyasî. ”, %15,6: Abdullah Ocalan. %7,6: Abdullah Ocalan-KCK-artêşa tirke-HDP.
