Anqara û Mersîn de sereştişanê keyeyan de 6 cinîyî ameyî destbendkerdene. Ame parekerdene ke operasyonê ke serê sibayî û heman wextî de dest pêkerd, vera Kongreya Cinîyanê Azadan a ke çarçewa KHKyî de ameye girewtene de bîy.

 Çarçewa operasyonan de Hemsereka Verêne ya HDPyî ya Anqara Derya Çakir, îdarekara HDPyî ya Çankaya Hanime Bînîcî, endama HDPyî Meryeme Kîraz,  endama DADî Sevgîye Sazan Kîşîn û xebatkara KESKî Newroze Kirkaya ameyî destbendkerdene. Dayîya zanayene ke kesê ke ameyî destbendkerdene, ameyî berdene bi şubeyê Mudirîyetê Asayîşî yê TEMî. Çarçewa heman operasyonî de Mersîn de endama Meclîsê Cinîyan ê HDPyî Merve Aytemur zî ameye destbendkerdene. Dayîya zanayene ke Aytemure do bêra ardene Anqara.  Ame parekerdene ke beno ke hûmara destbendkerdişan biba zêde.