Zîndanê Tipê Fyî yê Tekîrdagî de tepişte Vedat Çem Erkmeno ke cezaya ci ya muebedê giranî û 374 serran bibî hucreyê xo de vizêr merde ame vînayene. Îdareyê zîndanê saetanê şewe de xebere daye keyeyê Ermenî ke lajê înan xo kişto.

Cenazaya Vedat Erkmenî serê sibayî hetê keyeyî ci ra ameye berdene bi Mudirîya Goristanan a Kuçukçekmece la polîsan cenazaya Erkmenî remnaye. Dîyabi zanayene ke polîsî cenaza benê Weqfa Mehmetçîkî. La cenaza nêameye berdene bi weqife.

Şar û keyeyê Erkmenî cenazaya ke pê wesayîtanê zirxînan amebî berdene teqîb kerde. Polîsan verî cenaza berde serê rayîrê Kocaelî de tesîsê aresîyayîşî. A hele polîsan bi hawayêkê nimiteyî cenaza reyna remnaye. Keyeyan rê qet agahîye nêameye dayene. Keye agêra qezaya Esenyurtî.

Dîya zanayene ke kekê Vedat Çem Erkmenî Saîm Erkmen zî wesayîtê cenaza de bibi la seba ke polîsan dest na telefonê ci ser, keye nêeşkeno bireso ey.