Zîndanê Tipê Fyî yê Tekîrdagî de tepişte Vedat Erkmeno ke cezaya ci ya muebedê giranî û 374 serran bibî hucreyê xo de vizêr merde ame vînayene. Îdareyê zîndanê saetanê şewe de xebere daye keyeyê Ermenî ke lajê înan xo kişto.

Cenazaya Vedat Erkmenî serê sibayî hetê keyeyî ci ra ameye berdene bi Mudirîya Goristanan a Kuçukçekmece la polîsan cenazaya Erkmenî remnaye. Goreyê agahîyan polîsî cenaza benê Weqfa Mehmetçîkî.

Kekê Erkmenî Saîm Erkmenî da zanayene ke îdareyê zîndanî roja yewşemeyî saete 21.00 de înan rê telefon kerdo û vato birayê ci xo kişto.

Saîm Erkmenî pare kerd ke o pê ney bawer nêkeno û vat: ''Birayê mi keso winasên nêbi ke xo bikişo. Dewlete bi xo o kişt. Seba ke ney mîyan bikera zî bê xebera avûkatan cenaza berde Dezgehê Tipê Edlî (ATK).''

Erkmenî seba ke avûkatî nêgêreyîyayî karanê otopsî nêrazîbîyayîşê xo mojna û vat: ''Înan birayê mi înfaz kerd. Seba ke înan bi xo o kişt, otopsî ma ra mîyan kerd.''