Endama Komîteya Ciwanan a PKKyî û Endama Koordînasyonê Komalanê Cinîyan ê Ciwanan Bişenge Brûsk û Endama Rayberdişê Koma Cinîyan ê Ciwanan Sara Hogir şaristanê Arnheimî yê Hollanda de ameyî yadkerdene ke 28ê temmuza 2023yî de şehîd bîyî. 

Yadkerdiş Merkezê Komelê Demokratîkî yê Kurdan de serkêşîya Meclîsê Cinîyan ê Fatoşe Saglamgoz de ame kerdene. Yadkerdiş de birayê Bîşenge Brûsk vat: ''Ma do wayîrê armancanê şehîdan vejîyê.''

Yadkerdiş bi slogananê sey ''Şehîd namirin'' qedîya.

Şaristanê Saarbruckenî yê Almanya de zî Bişenge Brûsk û Sara Hogir ameyî yadkerdene. Sere de keyeyê şehîdan xeylêk kesî tewrê yadkerdişî bîyî. Qiseykerdişan de ame parekerdene ke şarê kurdî do tim wayîrê vîrameyîşê şehîdan vejîyo. Yadkerdiş de derheqê şehîdan de sînevîzyonêk zî ame mojnayene.