Seba ke PKK mîyanê lîsteya terorî ra bêro vetene rayberîya Înîsîyatîfê Edaletî yê Kurdan ê Mîyanneteweyî de kampanyaya îmzayana ke dîyaye destpêkerdene dewam kena. Sîyasetmedaro norveçij Arnljot Asko ke kampanya de îmzaya ci esta ANFyî rê qisey kerd.

Arnljot Askî PKK sey pawitoxê heqanê meşruyan ê şarêkê bindestî name kerd  û vat: ''PKK çareserîya demokratîke wazeno la rîyê polîtîkayanê zextî yê dewleta tirke ra xopawitişê meşrûyî esas geno. Serranê 90an ra nata kenê ke problemanê bi dewleta tirke bi rayîrê pêkerdişanê sîyasîyan çareser bikerê. Rayberê ci 20 serran ra zafêr o  zîndan de yo, pîya adirbirnayîşanê kilman mecbur mendê ke mucadeleyê biçeke bikerê. PKK goreyê huqûqê pêkewtişanê biçekan ê mîyanneteweyî têgêreno. PKK  bi jestê Amerîka û Yewîya Ewropa yê ke mutefîkê Tirkîya yê gerîya lîsteyanê terorî. PKK lîsteya terorî yê Neteweyanê Yewbîyayeyan de çîn o çunke goreyê Pêkerdişê Cenevre têgêreno. Norveç te zî û xeylêk endamanê NYyî de zî çîn o. Semedê çareserîya demokratîke û haştîya edîle ganî PKK ê lîsteyan ra vejîyo. Eke PKK lîsteyan ra vejîyo no têna semedê kurdan nê semedê şaranê Ewropa zî do feyde bikero. Ganî PKK lîsteyanê terorî vejîyo ke verê haştîya edîle û muzakereyanê sîyasîyan abibo. No do şaranê tirkîya, Rojhelatê Mîyanênî û Ewropa rê feyde bikero.''