Mekrezê Îrtîbatî û Çapemenîye yê HPGyî bîlançoya menga adare eşkera kerde. Eşkerayîye wina ya:

‘’Partîya ma PKKyî vengdayîşê Rayber Apoyî ser o 1ê adara 2025î de adirbirnayîş îlan kerd. Fermandarîya Qerargehê Merkezê Pawitişê Şarî zî heman roje pêro hêzan rê ferman da ke bire bîyarê ca. Pêro hêzê ma goreyê nê fermanî têgêrenê.

Menga adare heman wextî de raştê Aşma Remezanî ameye. Rixmê bira adirbirnayîşî dewleta tirke ya kolonyalîste û îqtîdarê AKPyî yê faşîstî  hêrişê xo yê vera Vakurê Kurdîstanî û Herêmanê Pawitişî yê Medya dewam kerdî.Artêşa îşxalkere adare de 11 reyî bi çekanê kîmyewîyan, 9 reyî bi çekanê qedexeyan û 9 reyî bi teqaberanê dronan hêrişê tunelanê Herêmanê Pawitişî yê Medya kerd. Warê xoverdayîşî zî 169 reyî bi teyarayanê şerî, 98 reyî bi helîkopteranê hêrişî û 11289 reyî bi çek, obus û topan dîyayî bombayan ver.

Gerîlayanê Azadîya Kurdîstanî çarçewa xopawitişê meşrûyî de vera hêrişanê îşxalkeran 13 reyî mudaxele kerd û hêrişî şiknayî. Heman wextî de 16ê adare de SÎHAya bi tîpê Akinci asmênê Qendîlî de hetê Yewînanê Pawitişê Hewayî yê Şehîde Delale ra ameye warvistene.

Nê prosesê adirbirnayîşê yew menge de hêrişanê artêşa tirke ra fam beno ke no hêz qedînayîşê şerî ney dewamkerdişê şerî wazeno. Eke wina nêbîyêne vera hêzanê pozîsyonê adirbirnayîşî hendê hêriş nêkerdêne. No zî mojneno ke tewirê înan hetê dewamkerdişê şerî ra yo.

Bîlançoya adare wina ya

Hêrişê artêşa tirke ya îşxalkere

Hêrişê bi teyarayanê şerî:169

Hêrişê bi helîkopteranê hêrişî: 98

Hêrişê bi çekanê kîmyewîyan: 11

Hêrişê bi dronanê teqaberan: 9

Hêrişê bi teqaberanê qedexeyan:9

Hêrişê bi top, obus û çekanê giranan: 11289

Mudaxeleyê gerîlayan

Mudaxeleyê vera hêrişan: 13