Artêşa Iraqî 18ê adare de semedê tepiştişê şervananê YBŞî Şingal de pûsî na ro. Netîceya hêrişî de fermanarêk û di şervanê YBŞyî birîndar bîyî û 5 şervanî hetê artêşa Iraqî ra esîr ameyî girewtene. Badê nê hêrişî şarê Şingalî dest pê çalakîye kerd.

Rixmê nêrazîbîyayîşan şervanî hema zî serbest nêameyî veradayene. Keyeyan Şingal de verê Merkezê Îstîxbaratî yê Iraqî de dest pê çalakîya roniştişî kerd.

Dayîkan çalakîye de pankartê ''Ma do çirey erê zulmê hukmatî de milê xo çewt neêkerê'', ''Heta veradayîşê domananê ma çalakîya ma do dewam bikero'' akerd.

Keyeyê ke wazenê şervanî wa serbest bêrê veradayene 30ê adare de seba ke şirê Bexdadî ser dezehanê eleqedaran ê mîyanneteweyîyî rê mektûb nuştbi.